Ferrol con lingua
A Festa dos Axóuxeres 2010
A Festas dos Axóuxeres achéganos actividades participativas dunha hora de duración que conxugan música, cantigas, teatro e xogo en galego.
Nesta nova edición, o avó de Eli perdeu o seu caderno, no que garda os debuxos máis bonitos, as cantigas máis fermosas, os xogos máis divertidos, as adiviñas de cando era neno...
Eli vaino axudar a recuperar a súa memoria, e farao coa axuda de Totó , un boneco de cor azul que está a aprender as súas primeiras palabras.
No periplo do Avó, de Eli e de Totó na busca do caderno atoparán ovellas, cans, novos amigos... e cantarán cantigas tan populares como A Carolina ou A vaca Marela . Ademais, rirán a cachón e farán xogos do máis diverso.
Os obradoiros que este ano acompañarán a Festa dos axóuxeres estarán centrados na transmisión do afecto, tan importante no desenvolvemento dos bebés: as miradas, os aloumiños, a música e a palabra poden ser vías complementarias para afondar na relación entre pais e fillos.
A festa dos axóuxeres será o 5 de setembro no Pavillón Municipal de Esteiro ás 12.00 horas.
Os obradoiros dos axóuxeres serán na Casa da Xuventude o 17 de setembro. Haberá dous obradoiros, un terá lugar de 17.00 a 17.45. e outro de18.00 a 18.45 horas.